‘Wareyan de ma bi vengêko berz semedê ciwîyayîşî qîrayî’  

2020-03-09 13:14:04


	 

	AMED - Dimayê mîtingê 8ê Adare ya Amedî, cinîyan qalê çalakîyanê xo yê 8 rojî kerdî. Cinîyan vatî: “Wareyan de bi vengêko berz, semedê ciwîyayîşî qîrayî. Ma zanê ke ruhê 8ê Adare Newroze zî ramojneno.”

	 

	Çalakîyê 8ê Adare bi rojan dewam kerdî. Vizêr Wareyê Îstasyonî yê Amedî de mîtingê 8ê Adare ame viraştene. Sloganê emsar ê 8ê Adare, “Ma serewedaritiş bi rêxistin kenê, verbi azadîye rê ray şinê” bi. Amed û teberê ci xeylêk kesî beşdarê mîtingî bî. 

	 

	Sereka Komeleya Cinîyan ê Rosayî Adalet Kaya û Hemsereka Partîya Demokratîke ya Şaran (HDP) yê Amedî Hulya Alokmene çalakîyê ke hewteyêko kerdî şîrove kerdî.

	 

	‘Ma şî ça ma bi hawayêko bi coş ameyî pêşwazîkerdene’

	 

	Adalete bale ante serê girîngîyê dayîşê startê Dêrsimî û wina vat: “Wextê peyînan de bi taybet hemverê cinîyanê ciwanan, hêriş yenê kerdene. Nê hêrişî şexsê Gulîstan Dokuye de vejîya meydan. Semedê ma bale biancê serê şîdetî ma start Dêrsimî dayî. Ma hewl da ke rêxistinê cinîyan uca hîna zêde vejîyo vernê. Ma seke cinî, heme bajaranê Kurdistanî de verbi Dêrsimî de şî. Semedê polîtikayê taybet yê şerî zêde bîyê. Semedê moral ma xeylêk çalakîyê xo çarçewaya şahî de kerd.”

	 

	‘Ma her ca de yê û ma do her ca de bê’

	 

	Adalete da zanayene ke mîtingê Amedî bi coşêko pîl derbaz bi û wina vat: “Ma soz da ke ma wareyan de bê. Ma êdî her ca de yê. Ma mîting de nê çî vat. Ma vera polîtikayê şer yê taybet vindertê. Roja mîtingî bi rojêk kêfweşîyê pêro cinîyan. Ma emsar bi sloganê, 'Ma serewedaritiş bi rêxistin kenê, verbi azadîye rayîr şinê’ vejîyayî meydanan. Ma do heta serrêka bi nê sloganî têbigeyrê.”

	 

	‘Do cinî semedê cuya xo têkoşînê xo dewam bikerê’

	 

	Hemsereka HDPyî ya Amedî Hulyaye wina vat: “Kurdistan û Tirkîya de semedê 8ê Adare şahî, sergî, panel, rayşîyayîşî qijî ameyî kerdene. Cinîyan bi têkoşînê xo destkewtişê pîlan dest kerdî. La no zî hetê sîstemî ra hedef yeno girewtene. Ma destkewtişî xo teslîm nêkenê. Do cinî semedê cuya xo têkoşînê xo dewam bikerê. Ê do semedê kesê bîn zî têkoşîn bikerê. Do cinî pey nê sozê xo yê têkoşînî vinderê.”