KCD: Cinîyan tu wext vera zîhnîyetê serdestî de çonk nêronayî 

2020-03-08 13:27:48


	 

	AMED - Bi wesîleya 8ê Adare Roja Cinîyan yê Kedkaran a Dinya eşkerayîyêka nuştekî weşêna û va: “Cinîyan tu wext vera zîhnîyetê serdestî de çonk nêronayî û bi rêxistinbîyayîş, têkoşîn û xoverdayîşê xo raşteyan dekerdî.”

	 

	Kongreya Komela Demokratîke (KCD) wesîleya 8ê Adare Roja Cinîyan yê Kedkaran a Dinya eşkerayîyêka nuştekî weşêna. Eşkerayî de ame vatene ke cinîyî her cayê dinya de roj bi roje bi têkoşîn û xoverdayîşê xo vera îqtîdaro camêrd û zîhnîyeto serdest de vejîyenî.

	 

	Eşkerayîye de wina ameye vatene: “Cinîyan tu wext vera zîhnîyetê serdest, zilm, zext, asîmîlasyon û qirkerdişî de çonk nêronayî. Bi rêxistin, têkoşîn û xoverdayîşê xo sere wedarnayî. Tîfaqê faşîst yê AKP-MHPyî bi KHK û OHALan welat rayîr benî û huqûqo bîyaye zî yeno binpaykerdene. Sewbîna tecrîdo girankerde yê serê birêz Abdullah Ocalanî yeno mehneya tecrîdkerdişê pêroyê Rojhelatê Mîyanenî, Tirkîya û Kurdistanî. Hetake tecrîdê Îmraliyî nêşikîyo do tecrîdê vera komelî nêşiko.

	 

	Têkoşîno ke bi serkêşîya Clara, Sara, Seve, Arin Mirkan û Avesta Habure pê ameyo her ke şono gird beno. Ma do zî wayîrê mîrasê înan ivejîîyî. Ma sey Kongreya Komela Demokratîke (KCD) vera zilm, zext, asîmîlasyon û polîtîkayanê şerî de têkoşînê xo domnenî. Ma 8ê Adare yê heme cinîyan bimbarek kenî.”