Cinîyê Anarşîstî: Ma fek kuçeyan ra vera nêdanê 

2020-03-07 14:11:22


	 

	 

	 

	STENBOL- Îrem Çopure dîyar kerde ke ê sey cinîyê Anarşîstan semedo ke fek cuya xo ra vera nêdanê, do wareyê 8ê Adare de bê. Îreme wina vat: “Tedayê serê beden, cuya ma yeno kerdene ancax bi têkoşînê rêxistinkerde yê cinîyan eşkeno bêro wedaritene. Ma vengdayîşê piştdayîşê heme cinîyan kenê.”

	 

	Cinîyê Anarşîstî yê ke serra 2010ine de bi çalakîyê xo yê cîya bale ancenê, xebatê xo bê mabên kenê. Endamê kome ra Îrem Çopure dîyar kerde roja ke Cinîyanê Anarşîstan awan kerdê heta nika têkoşînêko rêxistinbîyayîşê cinîyan esas gênê kenê û heta nika vera polîtîkayê îhlalkerdişî zî bi rêxistinbîyayîşê xo cewab dayê.

	 

	‘Ma bi nasnameyê xo yê anarşîst û cinîyan têkoşîn kenê’

	 

	Îreme wina dewam kerde: “Ma hem bi nasnameyê anarşîst hem zî bi ê cinîyan têkoşîn kenê. Rêxistinbîyayîşêko ma bi cînîyan yeno meydan esto. No zî yeno manaya ke mekanîznameyê qerarî cinî awan kenê. Ma her yew cuya xo awan kenê û çalakîyê xo zî bi îradeyê xo bi ca anê. Vera teda û îhlalkerdişî xetêke ma ya têkoşînî esta. Çalakîyê ma zî nê esasî de yê.”

	 

	‘Hewl danê ke piştdayîşê cinîyan prove bikerê’

	 

	Îreme wina vat: “Ma şinê daîreyê zewicnayîşî. Ma verê înan de çalakîyanê xo kenê. Ma şinê edlîye. Ma uca de çalakîyê xo kenê. Ma şinê verê zindanan. Ma rayşîyayîşê azadîye kenê. Ma dewayê cinîyan taqîb kenê. Dewlete heqê cinîyan qedexe kena. Hedefê ma cinîyanê Anarşîstan 8ê Adare ‘ma dest ci ra vera nêdanê yo’. Semedo ke ma qijî ya xo ra fek çîyêk ra vera nêdanê. Ma 8ê Adare de zî kuçeyan de bê. Ma saete 14.00 de Kadikoyî de bê. Dima ra ma do rayşîyayîşê şewe Taksîmî de yê û heme cinîyan çalakî rê pawenê.”