Çarçewaya xebatê 8ê Adare de cinîyan belgeselê ‘Sîya Avê’ temaşe kerdî 

2020-03-06 15:07:24


	 

	SÊRT - Çarçewaya xebatê 8ê Adare de bi rayberîya TJAyî belgeselê 'Sîya Avê' ame temaşekerdene.

	 

	Çarçewaya xebatê 8ê Adare de Tevgerê Cinîyanê Azadan (TJA) û Şaredarîya Sêrtî, eywanê konferansê şaredarîya Sêrtî de belgeselê 'Sîya Avê' peşkêş kerdî. Parlementera Partîya Demokratîke ya Şaran (HDP) ya Sêrtî Meral Daniş Beştaşe, Hemşaredara HDPyî ya Sêrtî Berîvan Helen İşike, Hemsereka HDPyî ya Sertî Belkis Epozdemîre, Dayîkê Aştîye û xeylêk cinî beşdarê bernameyî bî.

	 

	Peynîya bernamayî de Hemşaredara Sêrtî Berîvan Helen İşike qisey kerde. Bêrîvane kesê ke xebate de keda înan esta, sipasîyê xo pêşkêş kerd û arde ziwan ke her roje bena tarîx û vat ke kesê ke xoza û tarîx qetil kenê do roje bêro hesab bidê.