‘8ê Adare de bi rayîrê cilanê xo, ma kulturê xo dinya rê ramojnê’ 

2020-03-06 14:29:48


	 

	HESEKÊ - Cinîya bi nameyê Nihda Emîn Sînoye ke bi deştişê cilanê kurdî, xizmetê kulturê xo wina vat: “Ez semedê cinîyan cilanê kurdî derznena. Sereyê sibate ra cinîyan semedê 8ê Adare cilî ardê verê mi û ez zî hewl dana ke cilanê înan birenî. Her çiqas ez zaf bibî rincan zî bi nê kêfweş a ke kulturê xo pawena û bi cilanê xo yê herêmî şina şahîyan."

	 

	Cinîyê Rojawanî vera nêheqî û bêhuqûqî ke hemverê cinîyan ameyne kerdene, bêveng nêmendî û sere hemverê îqtîdarî wedarnayî. Serra 1908î de bajarê New Yorkî de 15 hezarî cinî vejîyayî meydanan û çalakî viraştî. Çalakî de waştişê kêmkerdişê saetanê karî û heqê weçînayîşî ame kerdene. A roje ra nat, êdî 8ê Adare bi, Roşanê Cinîyanê Dinya. Her serre heme cinî, bi cilanê rengûren yê adetî kewenê meydanan û bi çalakîyê rengûren pîrozbîyayîşê xo kenê. Rojawan de yewê adare ra çalakîyê semedê 8ê Adare dest pêkerdî û heta 8ê Adare dewam kenê.

	 

	‘Kultur bi destê cinîyan yeno newekerdene’

	 

	Nihdaye dîyar kerde ke cilanê ke derznena xeylê ci, cilê kurdî yê û wina vat: “Wexto ke mi dest bi deştişê cilan kerdo heta nika, xeylê xo ez bi cilanê kurdî dir eleqedar bena. Cilê heme cinîyan verê mi de yenê deştiş. Ez zî bi nê zaf kêfweş bena. Semedo ke heta nika heme cinîyan kulturê xo nêkerdê xo vîr ra û kultur bi destê cinîyan yeno newekerdene. Semedê nê zî ma cinî ferqê giringîyê keda xo de bê û bizanê senîn xizmetê kulturê xo bikerê.”

	 

	‘8ê Adare de bi rayîrê cilanê xo, ma kulturê xo dinya rê ramojnê’

	 

	Nihdaye bale ante serê girîngîyê cilanê kurdî û wina vat: “Ez omid kena, pêro ciwanê ma girîngîyêko pîl bidê kultur û adetanê ma. Ma bi rayîrê roşan û şahîyanê xo, ma bieşkê kulturê xo bidê ciwîyayîş û pêro dinya rê bîyayîşê kulturê xo ramojnê. 8ê Adare de bi rayîrê cilanê xo, ma kulturê xo dinya rê ramojnê.”