SKM semedê 8ê Adare vengdayîşê grevî kerd 

2020-03-05 14:01:50


	 

	ÎZMÎR - Dîdar Guleya SKMyije dîyar kerd Grevê Cinîyan ê Dinya, Tirkîya û bajarê Kurdan her ke şino hîna zêde rêxistin beno û arde ziwan ke eke cinî bawer bikerê eşkenê ciwîyayîş vindarnê.

	 

	Meclîsê Cinîyan ê Sosyalîst (SKM) semedê grevê cinîyan xo amade kenê. Endama SKMyî Dîdar Gule, dîyar kerdî ke do 8ê Adare de qumaşê zerdik paca û balqon de daliqnê û nêxebityê. Bi no hewa grevê cinîyan bi ca bîyarê. Dîdare da zanayene ke semedê grevê cinîyan, yê 2017 de dinya de dest pêkerd û serra vîyarte 50 welat û 400 bajarî de ame kerdene. Tirkîya û bajarê Kurd zî rêxistin bikerê, kewtê mîyanê tevgerî.

	 

	‘Ma do emsar qumaşê zer balkon û paca de bidaliqnê’

	 

	Dîdare wina dewam kerde: “Serra vîyarte de Tirkîya û bajarê Kurdan ma grev rêxistin kerd û her ke şino zêde beno. Cinîyan balkon de nuşteyê, ‘nê keyeyî de grev esto’ daliqnayî. Verê nê de grevê bîn zî ameyî kerdene. Ewro rastê roja yewşeme yeno. Ma do bi karê keyeyî zî nêweçînê. Ma do emsar qumaşê zerdikan balkone û paceyan de daliqnê.”

	 

	‘Babete babeta camêrdiyî yê komelî yo’

	 

	Dîdare da zanayene ke Îzmîr de merkezê Yamanlarî de xebatan kenê û vat cinî vanê, ‘wa cinî nêrê qetilkerdene, ma do grev bikerê’ û wina vat: “Xeylêk cinî ferqê îhlalkerdene hîsî de yê. Îhlalkerdene cidî yê hîsî yeno ciwîyayîş. No netîceyê serdestîyê camêrdan yeno cuyayîş. Na babete tena camêrdêk nîyo. Na babeta komelî ya. Babete babeta camêrdîyî yê komelî yo.”

	 

	Dîdare peynîya qiseykerdişê xo de vat, hedefê înan oyo ke grev hîna bitesîr bikerê û wina vat: “La hem prosesê qelsî ra û hem zî 8ê Adare keweno roja yewşem. Semedê serra bêro nîqaşê derheqê nê de estê. Xeylêk rêxistinê cinîyan û cinîyê ke nê pozîtîf nêvînenê estê. Pêameyîşê pozîtîfî ke ma vînenê bêguman estê. Ma do rêxistin bikerê. Keda cinîyan nîna vînayene. Baro tewr giran cinî gênê. Ma do seba nê têkoşîn bikerê. Cinî vinderê ciwîyayîş zî vindeno.