Têkoşînê vera hêrişan girs bi: Cinîyan ciwîyayîş û huqûq vurna 2020-03-04 13:40:58   Gulîstan Azak    STENBOL - Yew verfeka Platformê Cinî, Têduştî û Edaletî, Avûkat Hulya Gulbahare dîyar kerde ke Tirkîya de babeta heqan de xeylêk çî vuryayê û vat: “Nika sey ke pêşnûmeyê efûyê domanan vejîyayo, gumanbar pawitişê sey ‘Mi emrê domane/î nêzanayîne, ez xora ci dir zewicyena’ kenê. Semedê nê zî dewa bi beratî netîce benê. Yanî no pêşnûmeyê efûyî nêvejîyo zî bi hawayêko tesîr keno. Semedê nê zî gumanbar zêdeyîr bi cesaret benê.”   Yew verfeka Platforma Cinî, Edalet û Têduştî, avûkat Hulya Gulbahare verê 8ê adare derheqê problemê cinîyan, nêzdîbîyayîşê huqûqî û netîceyê têkoşîno ke cinî kenê ercna. Hulyaye da zanayene ke rojeva cinîyan de hêrişê vera heqê înan yê qanûnî estê û vat, cinî emsar heqê nefeqeyî, pêşnûmeyê efûyê îstîsmarê zayendî û zêdebîyayîşê kiştişê cinîyan munaqeşe kenê.   ‘Dewa bi beratî netîce benê’   Hulyaye da zanayene ke munaqeşekerdişê sererastkerdişê newe ke yenê pawene, bêrê bi caardene zî rayîr netîceyê şaş akeno û vat: “Nika sey pêşnûmeyê efûyî domanan vejîyayo, gumanbar pawitişê sey, ‘Mi emrê domane/î nêzanayîne. Ez xora ci dir zewicîna’ kenê. Coka zî dewa bi berat netîce benê. Yanî pêşnûmeyê efûyî nêvejîyo zî bi hawayêko tesîr keno. Coka gumanbarî zêdeyîr bi cesaret benê.”   Hulyaye eynî wextî de bale ante serê heqê nefeqeyî û da zanayene ke munaqeşekerdişê heqê nefeqeyî, hukmî sererastkerdene sey ke vernî ameyo hesibnayene û heqê nefeqeyî yê cinîyan bidest kerdê dayê û kewto mîyanê hewldayîşê ke bi destê Dadgehê Edlîyeyê Herêmî bêro wedaritene. Hulyaye wina dewam kerde: “No sererastkerdiş, komelî de rayîr verbi probleman akeno. Kiştişê cinîyan zî eşkeno nê babetan rê bêro girêdayene. Ma 2019 de vîna ke vatî ‘cinî û camêrdî sey yewbînan nîyê.’ Semedê nê, serra 2019î bi têkoşînê vera nê fehmî derbaz bi.”   ‘Cinîyan xeylêk çî vurnayî’   Hulyaye dewamê qiseykerdişê xo de arde ziwan ke Tirkîya de babeta xeylêk çîyan vuryayo û vat: “Ciwîyayîş vuryeno, cinî, ciwîyayîş û huqûq vuryeno.”