Karkerê tekstîlî: Wa 8ê Adare betlaneyê fermî bêra îlankerdene 

2020-03-03 09:41:07


	 

	WAN - Cinîyan, bajarê tekstîl û fabrîkayan sey hêzê karî yê erjan vînenê û heqdestê keda xo nêgînê, wazenê 8ê Adare betlaneyê fermî bo.

	 

	8ê Adare nêzdî bena û cinî xo amade kenê ke vejîyê wareyan, waştişê xo bîyarê ziwan. Bajarê ke fabrîka û tekstîl zêdeyê, îhlalkerdişê kede zî zêde yeno ciwîyayîş û cinîyê ke fabrîkayan de xebityenê wazenê ke 8ê Adare bibo betlaneyê fermî.

	 

	Roje 10 saetan xebityenê

	 

	Cinîyê taxa Kurubaşî ya qezaya Artemîtî yê Wanî tekstîl de xebityenê û dîyar kerdî ke heqdestê keda xo nêgînê. Patronê ke vanê, ‘cinî, camêrdan ra başîrê xebityenê, zêdeyîr kede danê û coka ma cinîyan tercîh kenê.’ Pêwa nê vatişan, heqdesto tewr tay cinîyan rê meşrû vînenê.

	 

	‘Bi 2 hezar TL 12 saetan xebityenê’

	 

	Karker Ayşenure arde ziwan ke serrêka û nîm o tekstîl de xebityena û vat: "Ez eynî wextî de çend wareyan xebityena. Heme roja mi tîya derbaz bena. Ma bi 2 hezar TLyî 12 saetan xebityenê.”

	 

	‘Ez xeylêk bena rincan'

	 

	Karker Hatîceye zî da zanayene ke aye mecbûra debara keyeyê xo bikerî û wina va: “Ez pakete de xebityena. Xeylêk bena rincan. dixebitim. Cagirewtene cinîyan ê berardişî de xeylêk weş o. Ma wazenê 8ê Adare biba betlaneyê fermî."

	 

	'Cinî heqdestê keda xo nêgînê'

	 

	Nîsan Karataşe zî mamosteya tekstîlî ya û vat, cinî heqdestê keda xo nêgînê û wina va: “Ganî cinî sey obje nêrê vînayene. Ganî cinî serê linganê xo de vinderê. Gerek bi fikrê xo bêrê qebulkerdene. Keye de xebityenê, karkerî de xebityenê. Her karî kenê. Îhtîmalêko pîl o ma do 8ê Adare zî bixebityê. La gerek bibo betlaneyê fermî.”