
TJA do hîrê herêmanê Stenbolî de 8 Adare pêşwazî bikero 

2020-03-03 09:39:24


	&nbsp;

	STENBOL - TJAyî yê Stenbolî do bi şîarê, ‘ma xoverdayîş rêxistin kenê, verbi azadîye rayîra şinê' do mîtîngê Kadikoy û Rayşîyayîşê Şewe ya Femînîstî de bê. Aktîvîsta TJAyî Besra Îşsevere heta a roje xebatê ke hîrê herêman de bikerê qalî kerde: "Semedo ke ma vera hêrişan xurt bê, ma do xebatan bikerê."

	&nbsp;

	Xebatê 8ê Adare yê TJAyî yê Stenbolî bê mabên dewam kenê. Aktîvîsta TJAyî Besra Îşsevere da zanayene ke kuçe û taxan de xebatan kenê û arde ziwan ke hemkarîya bi meclîsê cinîyan yê bînan dir girîng o û hîrê herêmê Stenbolî sey; HDP, HDK û TJAyî dir xebatanê xo kenê. Besraye arde ziwan ke bername, rayşîyayîş û vilakerdene qertan bikerê.

	&nbsp;

	Besraye arde ziwan her serre herêman û bajaranê Tirkîya de mîtîngan viraznenê û emsar zî mîtîngan wêdeyîr pêvînayîşê cinîyan, xebatê hempar kenê. Besraye wina dewam kerde: "Pêvînayîş do Kadikoyî de saete 14.00 de bêro kerdene. Heme rêxistinê cinîyan do beşdar bibê. Ma zî sey TJA beşdar benê û dima ra zî ma do Rayşîyayîşê Şewe ya Femînîstî ê Taksîmî de bê. Do xeylêk bernameyê ma bibê. Pîya awankerdişê torra têkoşînî xeylêk girîng o.

	&nbsp;

	'Ma do xebatan bimeşnê’

	&nbsp;

	Besraye da zanayîş ke serra vîyar te de rojeva înan ya 8ê Adare, grevê vêşanîye û hêrişê vera sîstemê hemserekîye bi û vat, cinîyê ke rayberî kerdî mohrê xo serra 2019 dayî piro.

	&nbsp;

	Besraye heto bîn ra da zanayene ke do emsar vera hêrişan, sey TJAyî wareyan de bê û vat: "Na 8ê Adare seba ma girîng a. Ganî cinîyê Kurdî keyeyê xo ra vejîyê, &nbsp;taxan û meydanan de veng xo berz bikerê û vatene &nbsp;xo vajê. No seba ma girîng o. Derheqê hepsîyê cinîyan de zî xebatê ma estê. Ma do piştdayîşê xo nê 8ê Adare de dewam bikerê."

	&nbsp;

	&nbsp;