
Cinî bi cilanê xo yê Kurdî û erbaneyê xo vejîyayî Sûrê Amedî 

2020-03-02 17:36:03


	&nbsp;

	AMED - Cinîyê ke çarçeweya çalakîyê 8ê Adare de vejîyayî meydanan, dîyar kerdî ke ê do seba ciwîyayîşî beden, ked, heq û aştîye wareyan de bê. Cinîyê ke bi erbaneyê xo vejîyayî serê Sûrê Amedî, bi tilîlî û cilanê xo yê reng û reng 8ê Adare pêşwazî kerdî.&nbsp;

	&nbsp;

	Koma Ahengî ya Tevna Jinê, çarçeweya çalakîyê 8ê Adare Roja Cinîyanê &nbsp;Dinya de, serê Sûrê Amedî de çalakîye kerdî. 40 cinî Komeleya Kulturî ya Dîcleyî kom bî, bi cilê herêmî yê reng û reng yê dayî xo ra û bi erbaneyê xo rayşîyayîşêk viraştî.

	&nbsp;

	Cinî Komeleya Dîcleyî ra heta Cadeyê Melîk Ahmetî yê qezaya Sûrî rayşîyayîş kerdî û uca ra zî heta Bircê Ben û Senî de ameyî û bi erbaneyê xo vejîyayî serê sûran. Cinîyê ke serê sûran de rêz bî, bi berzkerdişê tilîliyê xo û bi pirodişê erbanayan, Amedî de veng dayî. Cinîyan bi erbaneyê xo heta saetêk erbane dayî piro. Pêşkêşkerdişê cinîyan rastê eleqeyêko pîl welatîyan ameyî. Cinîyan dimayê pirodayîşê erbaneyan, sloganê, "Cinî ciwîyayîş azadî" berz kerdî û dima ra vila bî.

	&nbsp;

	&nbsp;

	&nbsp;