WHO: Vîrûsê Korona sînoran nas nêkeno û dîqet bê! 2020-03-02 15:05:51   MERKEZÊ XEBERAN - Vîrusê Korona Covid-19 o ke Çîn de vejîya werte lez vila beno. goreyê Rêxistina Weşîye ya Dinya şaşîtî ya ke merdim xo biasayîş bihesibno. WHOyî pare kerd ke vîrus sînoran nas nêkeno.   Vîrusê Korona bi taybetî Koreya Başûre, Îtalya û Îran de vila beno ke no zî qesawetan keno zêdêr. Rêxistina Weşîye ya Dinya (WHO) asta gefî û tehlûke vete safhaya tewr berze û welatê ke tede vîrus estê hîşyar kerdî: ''Şaş o ke merdim xo biasayîş bihesibno.'' Mudirê Pêroyî yê WHOyî Tedros Adhanom Ghebreyesusî zî roja pancşemeyî bi eşkerayîyêke vatbi: ''Vîrus sînoran nas nêkeno.'' Pêro dinya de 87 hezar û 500 kesan de vîrus ame tesbîtkerdene. Nêzdîyê 3 hezarê înan merdî.    Çîn de hûmara merdimanê ke vîrusî ra kewenî kêm bîyî la welatanê bînan de na hûmare bîye zêdêr. Vîrus heta nika 60 welatan de vila bi. Îran de hûmara nêweşan resaye 978 kesî. Roja yewşemeyî 11 kesê bînî Îran de merdî. Bi nê hawayî hûmara merdeyan resaye 54 kesî. Îran de dibistanî û sînemayî hewteyêkî ra nata padayî yê.   Koreya Başûr de 589 kesan de ame tesbîtkerdene   Koreya Başûre de yewşeme 589 kesanê neweyan de vîrus ame tesbîtkerdene. Welat de 3 hezar û 736 nêweşê Korona estê. Vîrusî ra 18 kesî merdî. Çînî ra pey vîrus tewr zêdêr Koreya Başûre de bitesîr o.   Îtalya û DYA de vîrûsê korona   Îtalya de hûmara nêweşanê Korona resaye 40. DYA de reya verêne merdimêk vîrusî ra merd. DYA de 21 kesan de nêweşîya Korona ameye tesbîtkerdene.    Çîn de 2 hezar kesî merdî   Çîn de 79 hezar û 824 nêweşê vîrusê Korona estê. 2 hezar û 870 kesî vîrusî ra merdî.    Almanya û Fransa de tedbîr ame girewtene   Almanya de hûmara kesanê ke vîrusî ra kewtî resaye 117. Fransa de zî hûmara nêweşan 130 kes a. Fransa de 12 nêweşî bîyî rehet, 2 kesî zî vîrusî ra merdî. Goreyê Wezaretê Weşîye hûmara nêweşanê Korona 13 kes a.   4 nêweşî Başûr de yê   Başûrê Kurdîstanî de zî 24 nêweşê gumandarî ameyî kontrolkerdene ke eşkera bi ke înan ra 4 kesan de vîrus esto.