KCDP: Menga sibate de 22 cinî ameyî kiştene 

2020-03-02 14:59:15


	 

	STENBOL -  Platformê Ma do Kiştinê Cinîyan Vimdarnê (KCDP) raporê xo yê menga sibate eşkera kerd. Goreyê raporê menga sibate de 22 cinî hetê camêrdan ra ameyî kiştene. 

	 

	Platformê Ma do Kiştişê Cinîyan Vindarnê (KCDP) roparê xo yê şîdetê camêrdan serê cinî û domanê menga sibate eşkera kerd. Goreyê raporî menga sibate de 22 cinî ameyî kiştene. 

	 

	Goreyê raporo ke ame eşkarekerdene kiştişê 12 cinîyan bi guman o. 2 cinî seba problemê ekonomî, 5 bi sebebê waştişê veradayîşî kerdê ameyî kiştene. Îzahat de wina ame vatene: “Heta ke sebebê kiştişê cinîyan nêro testpîtkerdene, muhakemeyêko edîlane bi ca nîno û kiştişê cinîyan do dewam bikero.” 8 cinî hetê camêrdê ke înan dir zewicnayeyê, 5 cinî hetê naskerdoxanê xo ra, 3 cinî heto lajanê xo ra, jinîyêka zî hetê camêrdo ke verê ey dir ciwîyayîne ameyî kiştene. 10 cinî bi sîleh, 9 cinî bi kardî, 2 cinî bi derb û cinîyêka zî bi xeniqnayîş ameye kiştene. 

	 

	Goreyê raporî 13 cinî keye de, 3 cinî kuçe de, cinîyêk otel û 2 cinî erazî de ameyî kiştene. Eynî wextî de cayê kiştişê 3 cinîyan zî nêame testpîtkerdene. Nîno zanayene ke gelo 17 cinî ameyî kiştene, waştişê pawitişî kerdibî. 5 cinîyê ke ameyî kiştene zî waştişê pawitişî nêwaştê. Enqer de 5 cinî ameyî kiştene. Kocaelî û Hatayî de zî 3 cinî ameyî kiştene. Bajarê Edene, Duzce, Afyon, Aydin, Balikkesir, Amed, Eskîşehir, Stenbol, Îzmîr, Kayserî, Manîsa û Sînopî de zî her yewî cinîyêk ameye kiştene. 

	 

	Rapor de hêrişê zayendî yê hemverê domanan zî ame destgirewtene û ame dîyarkerdene ke her roje domanî bi hêrişê cinsî dir rî bi rî manenê.