Semedê 8ê Adare cinîyan Riha de pêşengehê resiman akerdî 

2020-03-02 13:58:50


	 

	RIHA - Merkezê Heqê Cinîyan ê Baroyê Rihayî bi minasebetê 8ê Adare pêşengehê resiman ê cinîyan akerd.

	 

	Xebat û çalakîyê 8ê Adare dest pêkerdî. Startê çalakîyê 8ê Adare Dêrsimî de amebi ronayene. Çarçeweya 8ê Adare de hetê Merkezê Heqê Cinîyan ê Baroyê Rihayî ra pêşengehê resiman ame akerdene. Pêşengeh de resimê muxabira ajansê ma û resam Medya Uren, resam Sîbel Acar û Serap Kartal ameyî pêşkêşkerdene. Resaman, resimê xo de temayê cinîyan girewtî dest. Pêşangehê resiman rastê eleqeyêko pîl ame.

	 

	Platformê Cinîyanê Rihayî, Tevgerê Cinîyanê Azadan (TJA), Meclîsê Cinîyanê Partîya Demokratîke ya Şaran (HDP) û xeylêk kesî ameyî pêşengeh.

	 

	Pêşengeh do rojêke dewam bikero.