Parlamentera HDPyî seba ziwanê dayîke ser o pêşnêyaznameyêka persan da

2020-02-21 14:55:27


	 

	ENQERE - Parlementera Mêrdîne ya Partîya Demokratîk a Şaran Ebru Gunaye perwerdeyê ziwanê dayike ser o pêşnêyaznameyêka persan da Wezîrê Perwerdeyî Ziya Selçûkî. 

	 

	Parlamentera HDPyî Ebru Gunaye derheqê perwerdeyî û dersa weçînitî ya Kurdî de meclîsî rê Tirkî, bi lehçeyê Kurdî yê Kirmanckî (zazakî) û kurmancî ser o pêşnêyaznameyêka persan pêşkêş kerd. Pêşnêyazname de wina ame vatene: 

	 

	“Bi telîmatnameyê ke serra 2012î de ame weşanayene Tirkîya de bi nameyê dersa Enstîtûyê Ziwananê Ganîyan yê Tirkîya, dersa ziwanê Kurdkî bi hawayêko weçînitî seba sinifa pancine ameyî dayîş. Bado bira ame dayîş ke na derse sinifê 5., 6., 7. û 8. de bêro dayîş. Labelê dersa ziwanê Kurdkî ya weçînitî hewteyî te tena di seatî yenê dayîş. No hawe goreyê waştişê Kurdan yo perwerdeyê bi ziwanê dayike nîyo û tena bi di seatan Ziwanê Kurdkî aver nêşino. Ney ra ata mudirî nê di seat dersê ziwanê Kurdkî bi wendekaran nêdanê weçînatiş û verê wendekaran danê dersanê binan. Wezaretê Perwerdeyî zî mamosteyê Kurdkî tayîn nêkenê. 10 serran mîyan de tena 80 mamostayê Kurdkî ameyê tayînkerdiş û no yeno o vate ke hukumet meseleya perwerdeyê ziwanê dayike de polîtîkayê asîmîlasyonî dano dewamkerdene.”