Cenazaya Erhan Olçenî 108 rojî ra dima ameye definkerdene 

2020-02-19 14:50:34


	 

	AMED - Keyeyê Erhan Olçenî, dimayê 108 rojan ra cenazeya lajê xo Erhan Olçenî girewt û Goristanê Yenîkoyî de binê dormegirewtişê polîsan de ameye definkerdene.

	 

	Keyeyê Erhan Olçenî, cenazeya lajê xo Erhan Olçenî (Rizgar Farqîn) ê HPGyijî ke operasyonê eskerî yê 3yê teşrîna peyêne 2019 de Licê de cuya xo vindî kerdib, dimayê 108 rojan, cenazaya Erhanî morgê Nêweşxaneyê Cigêrayîşî û Perwerdeyî yê Gazî Yaşargîlî ra ameye girewtene. Keyeyî binê dormegirewtişanê wesayîtanê polîsan de cenaza berde Goristanê Yenîkoyî.

	 

	Polîsan nêverda ke endamê MEBYA-DERî û HDPyî tewrê merasîmê cenaza bibê. Cenaza têna bi tewrbîyayîşê ferdanê keyeyî ameye definkerdene.

	 

	Seba Erhan Olçenî Keyeyê Şînî yê Farqînî yê taxa Bagcilarî yê qezaya Baglarî de serweşîye yena qebulkerdene.