Hûmara kesê ke vîrus ra merdî 2 hezarî derbaz kerde 

2020-02-19 14:38:04


	 

	MERKEZÊ XEBERAN - Çîn de hûmara merdimanê ke vîrusê Covid-19 (vîrusê Korona) ra merdî 2 hezar kesî derbaz kerde. Bi no hawa hûmara kesê ke Vîrusê Korona ra merdî resaye 2 hezar û 5 kesî. 74 hezar û 185 kesî vîrus ra tesîr bîyî û rewşa 11 hezar û 977 kesan giran a.

	 

	Vîrusê Korona (Covid-19) ke 12ê kanûna 2019î de bajarê Çînî yê Wuhanî ra vejîya raşte, vila beno. Tena 24 saetanê peyênan de 136 kesî vîrus ra cuya xo vindî kerdî. Goreyê dayeyanê Komîteya Weşî ya Neteweyî ya Çînî hûmara qurbanîyanîyanê Vîrusê Korona vejîyaye 2 hezar û 5 kesan. Ame vatene ke 74 hezar û 185 kesî vîrus ra tesîr bîyî û rewşa 11 hezar û 977 kesan giran a.

	 

	Seba ke vernîya vilabîyayîşê vîrusî bêra girewtene û dermanê vîrusî bêro vînayene, xebatê hîra dewam kenî. Sekreterê Neteweyê Yewbîyaye Antonio Guterres derheqê babete de eşkerayîyêke da û dîyar kerd ke Vîrusê Korona nika binê kontrolî de yo.