'Ma game eşt sîstemê hemsekerîye ke ferqê hêrişan de yî' 

2020-02-19 14:08:04


	 

	
		 
	
		 
	
		Şehrîban Aslan
	
		 
	
		AMED - Hemşaredara Halfelî ya Idîrî Alya Akkuşe derheqê hêrişê vera hemserekî û destkewteyê cinîyan de qisey kerde û vat: "Ma bi fehm, gama xo eşt hemserekî. Ma do bi têkoşînê xo biserkewê."
	
		 
	
		Heta nika seba 32 şaredarîyê HDPyî qayûm ame tayînkerdene û eynî wextî de nika 23 hemşaredarî zî tepişnayeyê. Hemşaredarê tepişnayeyî 15 hebî ci ra cinî yê. Hemşaredara Halfelî ya Îdirî Alya Akkuşe derheqê tayînkerdişê qayûman de şîrove kerd.
	
		 
	
		'Cinî ferqê hêzê xo de yê'
	
		 
	
		Alyaye da zanayene ke dewlete çi destê ci ra bêro cinîyan çin hesab kena û wina vat: "Nîyetê ma çin o ke, ma qezencê xo bidê destê înan. Ma bi têkoşînêko pîl deskewtişê xo bi dest kerd. Dewlete xora pêro polîtîkayê xo serê hemserekî de kûr kena. Wexto ke ma vanê, ‘ma hemserek ê’ tedayê psîkolojîk yenê kerdene. La nê tedayî do bi ma nêdê vindîkerdene. Ma bi nê fehmî game eşt. Do dewlete tedayê xo dewam bikero. La ma do têkoşînê xo dewam bikerê."
	
		 
	
		'Cinî sey verê nîyê'
	
		 
	
		Alyaye dewam de wina vat: "Cinî rastê zor û zehmetîyê pîl yenê. Rastê tacîz û tecawizî yenê. Rastê caardişê nêbaşan yenê. Cinî her wareyî de têkoşîn kenê. No zî do bi HDPyî serkewte bo. Cinî her ke şinê, benê wayîrê fehmî. Sebebê tedayan zî oyo ke ma ferqê hêzê xo de yê. Ma do pêro tedayan ser o serkewte bibê."
	
		 
	
		'Ma bixo bawer ê'
	
		 
	
		Alyaye tewr peyîn qiseykerdişê xo de wina vat: "No goreyê kamî û goreyê çi şerm o? Gerek ma xo biresnê nê cinîyan û nê fehmî cinîyan dir bidê hîskerdene. No zî do hêz bido hêzê ma û cinî tewr xurt bibê. Ganî ma cinî xo ra bawer bê. Çi destê ma tê ma kenê. Ma bi omid ê. Gerek tena ma bixo bawer bê."