
Domana vindîbîyaye ra xebere nîna girewtene

2020-02-18 14:55:08


	&nbsp;

	ERZIROM - Dîdem Turana 17 serre ke taxa Meydanî ya qezaya Aşkelehî ya Erziromî de nişena ro, 9 rojî yo ke vindîbîyaye ya û aye ra xebere çin a. Aşkeleh de seba Dîdeme cigêrayîşî dewam kenê.

	&nbsp;

	Dîdem Turana 17 serre ra ke taxa Meydanî ya qezaya Aşkelehî ya Erziromî de nişena ro 9 roj ê ke xebere çin a. Seba Dîdeme xebatê cigêrayîşî dewam kenê. Polîsan heta nika îfadeyê zaf kesan girewtî.

	&nbsp;

	Ame parekerdene ke Dîdema 17 serre 10ê sibate de keyeyî ra vejîyaye û saetêke ra dima telefonê ci padîya. Dadîye Domane îfade kerd ke kênaya ci serê sibayî keyeyî ra vejîyaye û dima tira xeberêke nêameye girewtene. Dadîye Dîdeme vat: ''Mi a roje kênaya xo reyde tay muneqeşa kerd. Dima keyeyî ra vejîyaye. Mi va qey şîya keyeyê amika xo. Saetan ra pey ez şîya keyeyê înan ke Dîdeme bivîna. La keyeyê înan de nêbî. Ma her kesî ra persa la çewî kênaya mi nêdîye. Ma cade muracatê polîsan kerd.''

	&nbsp;

	Dadîye Domane ard ziwan ke a seba kênaya xo qerqilîyena û wazena ke kênaya ci bêra dîyene.&nbsp;

	&nbsp;