
Zelale ke vatî întîxar kerda, gelo ameye kiştene  

2020-02-15 11:24:40


	&nbsp;

	AMED - Zelal Yilmaza 17 serrî ke ame îdiakerdene întîxar kerda, ame îdiakerdene ke rastê şîdetê keyeyê xo ameya û rojêke verê ke întîxar bikera, destê aye girêdayê, kerdê oda û ber serê aye de girewtê.

	&nbsp;

	Qezaya Yenîşehîrî ya Amedî de 29ê çeleyî 2020ine de, ame îdiakerdene ke Zelal Yilmaza 17 serrî bi çek întîxar kerdo. La dimayê hedîseye îdiayê gelo întîxar o yan zî ameya kiştene, vejîya werte. Wexto ke Zelale wedarinayî nêweşxaneyê Cigêrayîş û Perwerdeyê Gazî Yaşargîlî, muxabirê ma şî nêweşxane la keyeyî pêvînayîş red kerd.? Nê ser o ajansê ma cigêrayîş kerd û ame îdiakerdene ke rojêke verê hedîseye Zelale, hetê ded, kal û dedezayê xo ra rastê îşkence ameya û destê ci girêdayê eştê oda.

	&nbsp;

	Merdimê aye îdia kerdî ke şîdet Zelale rê ameyo kerdene

	&nbsp;

	Merdimêka Zelale ke nêwaşt nameyê xo bido vat: “Embazê Zelale estbi. Keyeyî destûr nêdayî na rewşe. Ded, kal û dedezayê ci şîdet bi aye kerdêne.” Heto bîn ra merdimê aye dayî zanayîş ke dedê ci Zelale bi zor ardo keye û destê ci girêdayê kerdê odayêka. Eynî wextî de ame îdiakerdene ke embazê ci A. zî hetê keyeyî ra ameyo derbkerdene û tehdîdkerdene. Daye û pîyê aye ci rê teda nêkerdêne, la dedê ci aye rê kerdêne. Ma nêzanê întîxar kerda yan ameya kiştene. La eke întîxar kerda zî rayîrêko bîn Zelale rê nêverdayî. Xeylêk şahid estê la kes nêeşkeno qisey bikero. Kes nêwazeno tewrê karê keyeyî bibo.”

	&nbsp;

	Şahidiko bîn zî dîyar kerd ke bi pîyê Zelale dir qisey kerfo û pîyê ci vato: “Ma wazenê Zelale bi kesêko bîn dir bizewicnê. Ma aye ser o zorî da kerdene. Coka întîxar kerde.” Pêwa ke serê hedîse ra hewte derbaz bî zî keyeyî pêvînayîş kesî dir qebul nêkerdê û cewabê telefonan nêdanê. No zî naqoqî û gumanan zêde keno.

	&nbsp;

	&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;

	&nbsp;

	&nbsp;