
Gulbeyaze bi gulikê lazutî selekan viraznena, wazena atolyêka akero   

2020-02-14 13:42:17


	&nbsp;

	&nbsp;

	&nbsp;

	Medîne Mamedoglu

	&nbsp;

	MÊRDÎN - Gulbeyaz Guneşa ke bi kaxidê rojnameyî, gulikê lazutî û bi genim selekan viraznena, hunerê aîdê wextê verê dewam kena û hedefê aye oyo ke bi pereyê ke nê selekan ra qezenc kena atolyeyêka akero.

	&nbsp;

	Gulbeyaz Guneşe nê kulturî pîlanê xo ra musaya, ewro dewam kena û bi îmkanê xo selekan viraznena. Hedef kena ke bi qezencê nê atolyeyêka akero. Gulbeyaze da zanayene ke bi gulikê genim û lazutî û parçeyê rojnameyî ra selekan viraznena û vat no zî seba ci hobîyêko yo.

	&nbsp;

	Her çî ra feyde gêna

	&nbsp;

	Gulbeyaze da zanayene ke selekanê ke viraznena yew hacetêko viraştene nêxebitnena û vat: "Wexto ke derg o nê selekan viraznena. Ez wextê xo wina derbaz kena û seba mi sey hobî yo. Hacetê cîyan ra viraznena. Pêro hacetê mi xozayî yê. Seba boyaxî zî pîyanz, gulikê garis û parçeyê rojnameyî ra viraznena. Wextê ke derg nê selekan eşkenê bixebitnê. Xora verê zî zaf ameyne xebitnayene."

	&nbsp;

	'Hedefê mi akerdişê atolyeya yo'

	&nbsp;

	Gulbeyaze da zanayene ke hedefê aye oyo ke pereyê ke qezenc kena pê atolye akero û vat, xeyalê ci oyo ke cinîyan dir atolyayêka bi selekan virazno û vat: "Semedê cinîyan xebatê winasî girîng û weş ê. Îmkanê ma bibê, semedê cinîyan wazenê atolyayêka viraznê. Cinî do hem berardiş bikerê û hem zî qezenc bikerê. Ez pîlanê xo ra wina musaya. Selekê ke ma viraznenê, sey hacetê xemlî zî eşkenê bixebitnê. Pêro bi madeyê organîk yenê viraştene. Yê verê bi nê selekan xeylêk lazimîyê xo çareser kerdêne."

	&nbsp;