
Partîyê Kurdan şî serdayîşê Mexmûrî 

2020-02-07 15:45:31


	&nbsp;

	MEXMÛR - Temsîlkaranê vakurê Kurdistanî serdayîşê Kampa Multecîyan a Şehîd Rûstem Cûdî (Mexmûr) kerdî. Serdayene de temsîlkaran dîyar kerd ke, seba wedaritene abluqayê serê Mexmûrî û yewîya neteweyî ya Kurdî mîyanê hewldayene de yê.

	&nbsp;

	Heyetê partîyanê sîyasîyan ê Vakurê Kurdîstanî yo ke Hemserekê Kongreya Komelê Demokratîkî (KCD) û Wekîlê HDPyî yê Agirî Berdan Ozturkî, endamê îdareyê Partîya Demokrate ya Kurdîstanî ya Tirkîya (PDK-T) Hozan Kardaş, Serekê Partîya Merdim û Azadîye (PÎA) Mehmed Kamaç, endamê Îdareyê Partîya Azadîye Cemal Sati, Wekîla HDPyî ya Êlihî Ayşe Acar Başaran û Hemserekanê Temsîlîyetê HDPyî yê Hewlêrî ra ameyêne meydan, Kampa Multecîyan a Mexmûrî zîyaret kerd.

	&nbsp;

	Hemserekê Meclîsê Şarî, Meclîsê Îştarî û Hemşaredarê Kampe şîyî verê heyetî. Dima heyet derbazê Meclîsê Şarî bi û derheqê rewşa peyêne ya kampe de Hemserekanê Meclîsê Şarî û Hemserekanê Meclîsê Îştarî de qisey kerd.

	&nbsp;

	Heyetî dima derbazê ''Dezgehê Keyeyanê Şehîdan'' bi û roniştoxanê kampe reyde qisey kerd.

	&nbsp;

	Nameyê şarê Mexmûrî ser o Hemserekê Meclîsê Şarî Hecî Kaçanî heyetî rê sipas kerd.

	&nbsp;

	Dima Hemserekê Kongreya Komelê Demokratîkî Berdan Ozturkî qisey kerd. Berdanî vat: ''Ma sey KCDyî û partîyanê Vakurî nêzdî ra rewşa Mexmûrî persenê û seba Mexmûrî xîretê ma zî do dewam bikerê. No ambargo û hêriş nêno qebulkerdene. Ganî kurdî kurdan rê dişmenîye nêkerê. Ganî ma dişmenê xo baş nas bikerê. Seba ke şarê kurdî wayîrê îradeyî nêbo dewleta tirke dişmenîyêka pîle kena. Çend reyî Mexmûr ame bombavarnayene la kesêkî ci ra hesab pers nêkerd."

	&nbsp;

	Dima ra Wekîla HDPyî ya Êlihî Ayşe Acar Başaran qisey kerd û vat: ''Ma seba yewîya neteweyîye ameyî Başûr û ma waşt ke şarê xo yê Mexmûrî zîyaret bikerê. Ewro Mexmûr hem binê ambargoyî de yo hem zî hedefê hêrişanê DAÎŞî de yo. Seba wedaritişê ambargoyî ma xîret kenê. Ma wazenê vengê Mexmûrî bireso her cayî.''

	&nbsp;

	Serekê Partîya Merdimî û Azadîye Mehmet Kamaçî zî da zanayene ke ê do heta peynî seba wedaritişê ambargoyê Mexmûrî xîret bikerê û destê înan ra çi bêro do bikerê.&nbsp;

	&nbsp;