
Gumanbarê hêrişê cinsî roniştişê ewil de ame veradayene 

2020-02-07 13:42:05


	&nbsp;

	Şehrîban Aslan

	&nbsp;

	AMED - Serra vîyarte qezaya Amedî Çermugî de vejîya meydan ke keso bi nameyê Ramazan A. di domanan îstîsmar kerdib û dima ra gumanbar amebi tepiştene. La gumanbar roniştişê ewil de serbest ame veradeyene.

	&nbsp;

	2019an de qezaya Amedî Çermugî de vejîya meydan ke Ramazan A. di domanê ke merdimê ey bî, &nbsp;hêrişê cinsî vera înan kerdo. Serê gerrekerdene keyeyê Serdozgerîya Komare ya Amedî derheqê Ramazan A. de sûcê ‘îstîsmarkerdene domanan’, ‘kes azadîye ra bêpar veradayene’ îdianame amade kerd.

	&nbsp;

	Îdianameyî de ame dîyar kerdene ke gumanbarî nê sucî qebûl nêkerdo. Îdianameyî de wina ame vatene; Gumanbar 25ê Hezîrana 2019an de hetê Dadgerîya Cezaya Sulhî ya Çermugî ra ame girewtene. Dozgerîye madeyê ke îdinameyî de ame dîyarkerdene de waşt gumanbar cîya cîya bêro cezakerdene.

	&nbsp;

	Gumanbar roniştişê ewil de ame tehlîyekerdene

	&nbsp;

	Îdianameyo ame amadekerdene de hetê 6in Dadgeha Cezaya Giran ya Amedî ra ame qebulkerdene û gumanbar roniştişê ewil de ame tehlîkerdene. Runiştişo diyîn 8ê Çele de ame vînayene. Gumanbar Ramazan A. avûkatê ey Emrullah Ozdemîr, avûkatê domanêk Lokman Sunyar û wekîlê wezaretê polîtîkayê keyeyî û komelî beşdar bî. Avûkatê domanî bîn zî waştişnameyê mazeretî da û beşdar nêbi.

	&nbsp;

	Roniştişê hîrên ê dewa do 17ê Sibate de 6in Dadgeha Cezaya Giran ya Amedî de bêro vînayene.

	&nbsp;