Cinîyan îqaz kerd: Wa nê caardişî ganî bêrê wedaritene 

2020-02-06 11:24:14


	 

	Gulîstan Azak

	 

	STENBOL - Cinîyan bale ante serê selahîyetê ke danê nobedaran û sererastkerdene ke hetê Komîsyonê Karê Zereyî yê Meclîsî ra ameyo qebulkerdene û vatî: "Nê selahîyetê ke semedê nobedaranameyê dayene, do îhlalkerdenan zî xo dir bîyaro. Heqê cinîyan binê tehdîdêko pîl de yo. Ganî peyser bêro antene.”

	 

	Pêameyîşê Qanûnê Nobedarê Sûke û Taxan ke selahîyat dano nobedaran ke nasnameyan ser o cigêrayîş bikero, cigêrayîş bikero, hetê Komîsyonê Karê Zereyî yê Meclîsî ra ame qebûlkerdene. Cinîyan dîyar kerd ke do no zî xo dir xeylêk probleman bîyaro. Cinîyan reaksîyon vera rewşe dayî û îqaz kerdî ke, do no îhlalkerdene heqan zî bîyaro.

	 

	Sekretera Cinîyan ya Şubeyê Hûmara 8ine yê Egîtîm Senî ya Stenbolî Muruvvet Yilmaze dîyar kerde ke no qeraro ke amyo dayene, vera pêameyîşê mîyanneteweyî yo, vera azadî û heqan o û wina vat: "Mumkin nîyo ke ma caardişêko winasî qebul bikerî. Xora hêzê asayîşî û emnîyetî estê. Asayeno ke dewlete wazena her ca bikero binê kontrolê xo. No caardiş vera caardişê faşîzanî akeno. Do nêverdê ke însanî tu çîyêk zî bikerê."

	 

	Heto bîn ra Muruvvete da zanayîş ke do bi taybet, hetê cinîyan ra rayîrêko negatîf abikero û vat: "Ez wazena sey cinîyêka kuçeyan de rehet rayîra şêrî. Coka mumkin nîyo ke çîyêko winasî bêro qebulkerdene. Eynî wextî de ez kedkara perwerdeyîya. Ez wendegehan de polîsan nêwazena. Semedo ke no ca cayê perwerdeyî yo. Ez wazena bi rehetî hereket bikerî. Na rewşe heqanê ma binê tehdîdî."

	 

	'Ganî fek ci ra vera bidê' 

	 

	Zubeyde Cenzgîne zî arde ziwan ke ganî nê caardişî ra fek vera bidê û vat binê nameyê asayîşî de do wareyê cinîyan îşxal bikerî û wina vat: "Ê zî nêeşkenê na rewşe vajê. Xora heqê bêsînor dayê polîsan. Nika nê nobedarê şewe çi yê? Çira geyrenê? Selahîyatê sey kontrolkerdene nasnameyan û cigêrayîşî danê înan. No senîn do bêro qebulkerdene. Ez sey cinîyêka bi fikar a."