Cinî do Konferansê Piştdayîşê Morî de bêrê têhet 

2020-02-04 09:23:01


	 

	STENBOL - Endama Piştdayîşê Morî Yeşîm Guzele, semedê konferanso ke do mabêne 8-9ê Sibate de bêro viraşteneî vengdayîşê tewrbîyayîşî kerd û vat: "No do bibo roja pêvînayîşê cinîyan. Do her kes kursîyê morî de qisey bikero."

	 

	Piştdayîşê Morî mabêne 8-9ê Sibate de do bi şîarê, ‘Bi înad têkoşîn, bi înad azadî’ Daîreyê Zewicnayene yê Kadikoyî û Salona Konferansî ya Bîrleşîk Metal-Îş ya Bostanci 2yîn Konferansê Cinîyan yê Tirkîya bêro viraştene. Endama Piştdayîşê Morî Yeşîm Guzele derheqê konferansî de zanayîş da.

	 

	Yeşîme da zanayîş ke, cinî do her çar hetê Tirkîya ra tewrê konferansî bibê û vat: "Ma 2019an de qanûnê 6284 zaf zêde ard ziwan, pêameyîşê Stenbolî zaf ard ziwan. Ma heqê nefeqeyî zaf ard ziwan. Vera heqê cinîyan xeylêk xespê cidî estê. Ma zî dîyar kenê ke, ma do heqê xo û cuya xo bi têkoşînê xo bidest bikerê."

	 

	'Hewceyê ma bi piştdayîşî esta'

	 

	Yeşîme arde ziwan ke sey Piştdayîşê Morî, taxan de, qezayan rêxistinkerdene û xebat meşnayê û wina vat: "Prosesî de hewceyê ma bi piştdayîş û yewîye esta. 8ê Sibate do bibo roja pêvînayîşê cinîyan. Ma do ûca de kursîyê mor bidê her kesî. Roja ewil do cinî, vejîyê serê kursî. Roja diyîn do xebate bêro munaqeşekerdene."

	 

	Yeşîme tewr peyîn qiseykerdene xo de vat, wextê newe de tena pawitine têkoşînî aktîf bo û vat xebatê herêmî zî do dewam bikerê.