
Dadgehe ney îradeyê zindanî qedexe kerd: Weşan nêdayî hepsîyan  

2020-02-02 12:13:17


	&nbsp;

	STENBOL - Kovar, kitab û rojnameyê ke seba hepsîyê Zindanê Cinîyan ê Bakirkoyî ameyî eşrawitiş, bi sebebê ‘Dadgeh qedexe nêkerê zî, seba asayîşê sazgehan’ nêame dayene.

	&nbsp;

	Seba 28 hepsîyê Zindanê Cinîyan ê Bakirkoyî bi rayîrê PTT yan zî keyeyê înan ra 82 kitab, kovar û materyal ameyî eşrawitiş. Serekîya Heyetê Perwerdeyê Mudurîyê Sazgehê Înfazê Cezaya Girewteyî ya Cinîyan ê Bakirkoyî, kitab û materyal cigêrayîş kerd û hîn ameyî dayene û hîn zî bi îdiayê ‘asayîşê zindanî keno xetere’ nêame dayene.

	&nbsp;

	Hîn materyalê nêameyê dayene wina yê:

	&nbsp;

	Merdima hepsî bi nameyê Turkan Sunbule seba ci kitabê, ‘Ozgur Eş Yaşam Jîneolojiya Gîrîş’, hûmarê kovara Uç Aylik Bîlîm û Kovara Kuramî ya Jîneolojîyî yê 10,11,12,12,14 seba ke derheqê înan de qerarê komkerdiş estê nêdayî Turkane.

	&nbsp;

	Seba hepsî Dîlek Oz, Hiyam Yolcu, Hulya Gerçek, Hatîce Duman, Zeynep Yeter, Songul Dîlek, Guneş Akan, Goncagul Telek, Dîlek Tataş, Elîf Vural Yaşe, tarîxê cîya de hûmarê 407,408,409 yê rojnameya Atilimî ameyî eşrawitiş. Xeberê ke rojnameyî de kerdî sebeb û nêdayî hepsîyan. Qerar de ame dîyar kerdene ke eşrawitişê leşkeran ê seba Lîbyayî de Tirkîya ameya qicfînayene û vera yewîya dewlete ya.

	&nbsp;

	Hûmara 90-91 ê Rojnameyî Yewîya Têkoşînê zî ame îdiakerdene ke operasyon, sey qirkerdene ameyo ramojnayene. Rojnameyê Yenî Demokratîkî hûmara ci 51ine kerdî sebeb û nêdayî hepsîyan.&nbsp;