
'Qedexe îşkenceyê zindanan vejeno di qatî' 

2020-02-01 12:42:50


	&nbsp;

	MÊRDÎN - Zindanê Tîpê F yê Hûmara 2yîn ê Tekîrdagî, kitab û cil û belgê hepsîyan rê yenê eşrawitiş, nînê dayene. Dayîka hepsî, Celîla Alake reaksîyon vera rewşe da û dîyar kerde ke ganî peynî caardişanê nêbaş û îşkenceyê zindanan bêro kerdene.

	&nbsp;

	Hepsîyê herême û Tirkîya bi îhlalkerdene heqan û tedayan rojeve ra nêkewenê, roj bi roje îhlalkerdene heqê yê newe yenê ciwîyene. Cigêrayîşê viran, serê lingan hûmartiş, dermankerdişê bi kelepçe, heqê xizmetê weşîye bêparveradayîş û çî bînî yenê ciwîyayîş. Zindanê Tîpê F yê Hûmara 2yîn ê Tekîrdagî ke bi caardişê heqan ser o rojeve nêkeweyo, ame zanayene ke kitab û cil û belgê seba hepsîyan yenê eşrawitiş zî nînê dayene.

	&nbsp;

	'Her tewir îşkence kenê'

	&nbsp;

	Dayîka hepsîyêk, Celîla Alake da zanayene ke kitab eşrawitî la di mengî yo nêdayê înan û wina vat: "Lajê mi 5 serrî yo tepişnaye yo. Verê zî ma rê kitab waşt. Tewr peyîn ma eşrawit, la di mengî yo nêdanê. O bi xo ma geyrayî û vat ‘bê sebeb kitabê ma nêdanê’. Tena nê caardişan ney kitabê destê înan zî girewtê. Xora mîyanê çar dêsan de yê. Gelo hema çi wazenê. Bi qedexeyan îşkenceyî zêde kenê. Hende merdimî bê sûc zindan de yê. Bi nê hawayî zî wazenê îşkence dewam bikerê."

	&nbsp;

	'Wa peynîyê nê qedexeyan bêro'

	&nbsp;

	Celîlaye tewr peynî wina va: "Betanîyê ke ma eşrawenê zî nêdanê hepsîyan. Ma nê zulmî qebul nêkenî. Wa ganî peynîya nê caardişan bîyarê. Domanê ma xora ma ra dûrîyê. Ma nêeşkenê şêrê verê înan. Uca bi înan îşkence bikerê zî nêvanê. Ma nêzanê uca de çi ciwîyenê. Wa peynîya qedexeyan bîyarê."

	&nbsp;