
'Dimayê cigêrayîşî do kiştoxê domano qij bêro vînayene' 

2020-01-28 16:24:03


	&nbsp;

	AMED - Çinar de, kesê derheqê kiştişê domano 8 serre Mûhammed Velî Dumezî de ameybî tepiştiş, pêro serbest ameyî veradayîş.

	&nbsp;

	Dewa Sergelya ya qezaya Çinarî ya Amedî de 21ê çele de, domano 8 serre Muhammed Velî Dumez şan de vindî bibi û dimayê di saetan keyeyêko xirbe de amebi vînayene û Nêweşxaneyê Dewlete ya Bîsmîlî de merdib. Derheqê hedîse de kiştişê Mûhammed Velî de, lajê xalê ey V.T., cîranê înan O.T. û G.B. amebî tepiştene.

	&nbsp;

	Wextê tehqîqatê 3 kesê ke tepişnayî bî de, keyeyê ema domanî de cigêrayîş amebi kerdene û cilê bi gonî hewşe de amebî vînayene û ema ey H.T. amebî tepiştene. Lajê xalê ey V.T., cîranê înan O.T. û G.B. yê îfade dayî dozgerî serbest ameyî veradayene. Ema Mûhammed Velî şewe bîn edlîye ra serbest ameye veradayene.

	&nbsp;

	Derheqê cînayetî de kes tepişnaye nêmend. Avûkatan dîyar kerd ke cigêrayîşê derheqê hedîse de dewam keno û cigêrayîşê delîlan dewam keno. Ame vatene ke dimayê cigêrayîşî do kiştoxê domanî bêrê vînayene.

	&nbsp;