
Welatîyê Amedî şewe xo teber de derbaz kerdî

2020-01-25 13:57:12


	&nbsp;

	AMED - Erdlerzo ke qezaya Xûxî yê Xarpêtî ame meydan, Amed de zî ame hîskerdene. Welatîyê Amedî şewe xo teber de derbaz kerdî.

	&nbsp;

	Vizêr şewe qezaya Xûxî yê Xarpêtî de erdlerzo pîlîyê ci 6.8 ame meydan û Amed de zî bi hawayêko pîl ame hîskerdene. Welatîyê Amedî bi cilanê xo yê keyeyî eştî teber, bi betanîyan şewe park de derbaz kerdî.

	&nbsp;

	Bi tesîrê erdlerzî ceyran şi û dimayî problemê ceyranî çareser bi ra dima xeylêk kesî ageyrayî keyeyê xo. La tay welatî tedbîrê şewe wesayît de derbaz kerdî.

	&nbsp;

	Xo balkone ra eşt

	&nbsp;

	Heto bîn ra Erxenî de bi nameyê Salîha Kurte û domana xo ya 11 serrî seba lerzê erdlerzî xo balkone ra eşt. Dayîk û domana ke birîndar bî wedarnayî nêweşxaneyî.&nbsp;

	&nbsp;