Dêreyê Mor Yakubî binê nameyê 'restorasyonî' de serrêke girewteyo 

2020-01-23 12:44:28


	 

	MÊRDÎN - Dêreyê Mor Yakubî ke yew dêreyê tewr kan ê herême yo û Nisêbîn de yo, bi îhaleyê ke hetê Muzeyê Mêrdînî ra ame dayene ra xebatê restorasyonî la ame destpêkerdiş û serrêke girewteyo û kes nêeşkeno ci de bigeyro û kesê ke şinê zî ageyrenê.

	 

	Kolnayîşê arkeolojîk yê Dêreyê Mor Yakubî yê Nisêbînî yê Mêrdînî, amebi kerdiş de, amebi diyarkerdiş ke Akademîya Nîsîbîs ya keşîşxaneyî de unîversîteya yewin ê dinya ya. Dêreyê ke wayîrê tarîxîko kanî yo, sibata 2019an ra girewteyo. Hetê Mudirîyê Muzeyê Mêrdîn û Şaredarîya Nisêbînî ra çarçeweya ‘Restorekerdişê Dêrê Mor Yakup û Camîya Zeynel Abîn’ seba, Ajansê Averbîyayîşê Dîcleyî ame pêşnîyarkerdene û nê dir qerarê restorasyonî ame girewtene. Dêreyo ke gerek xebata ey tebaxa 2019an de biqedîyayîne, serrêke yo her kesî rê girewteyo û xebata arkeolojîk zî ameyî vindarnayene.

	 

	Xebate ameye vindarnayene û materyal baxçe de vindarnayî

	 

	Serra 201an ra heta nika Camîya Zeynel Abîdîn û Dêreyê Mor Yakubî tewrê Lîsteya Demvîyarte yê Mîrasî Dinya ame kerdene. Prosesê peyîn de, bi desan rey xebatê restorasyonî ra ame derbazkerdene. Dêre prodayîşê mabêne 2015-2016an de bi hawayêko cidî bi tesîr bi û bi mengan girewte mend. Dimayê qedexeyî xebatê ci ameyî vindarneyene û gorê tarîxî yê baxçeyê keşîşxaneyî zî hema uca de vindarnayene. Kolnayîşê dêreyî û baxçeyê ey zî ameyî vindarnayene.

	 

	Tarîxê dêrî

	 

	Dêreyo ke dêreyê tewr kan o, herêma Mezopotamya corî de yo, dimayê zayîşê (MS) serra 313an de, hetê Mor Yakubî ra serra 309an de pîskoposîyê Nisêbînî de ame ronayene. Tay metn û kitabeyan de yeno vatene ke keşîşxane sey awanîya vaftîzxaneyê aîdê Katedralîna Nisêbînî de ameyo awankerdene, la dima ra katedralîn û awanîyê bîn ameyî rijnayene û dima ra vurnayê Keşîşxaneyê Mor Yakup.