
Yewnanistan de yewin rey cinîyêke bî serekkomare 

2020-01-22 15:13:33


	&nbsp;

	MERKEZÊ XEBERAN - Parlamentoya Yewnanistanî de weçînayîşê serekkomarî ame kerdene û reya ewil cinîyêke bî serokkomara welat.

	&nbsp;

	Tarîxê Yewnanîstanî de reya yewin cinîyêke bî serekkomara welat. Ekaterînî Sakellaropûlû ya 63 serrî ke dadgerêka babeta derûdorî de pispor a û sereka Dadgeha Berzî ya, parlamentîya raydayîşî de, seba serekkomarîye ameye weçînayîş. Parlamenta ke 300 endamê xo estê, 261 wekîlan raya xo dayî Ekaterînî û tûrê destpêkî de aye kerdî serekkomar.

	&nbsp;

	Serokwezîrê Yewnanistanî Kiyrîakos Mîçotakîs, seba wezîfeyê serekkomarî ke bi giranî wezîfeyêko rûmetî yo, Ekaterînî Sakellaropûlû pêşnîyar kerdib. Ekaterînîye eynî wextî de cinîya ewil a ke bîbî Sereka Dadgeha Berzî. O wext hetê hukmatê çepgir ra amebî wezîfedakerdene.

	&nbsp;

	Yewnanistan de giranîyê komelî pederşahî esto. Labelê Kiyrîakos vano, "Wext ameyo ke Yewnanistan vîyartox ra abibo. Mîyanê komelê Yewnanan de hema zî cayêkarî cinîyan yeno kerdene. Labelê no çi êdî cor ra dest pêkeno û vuryeno."&nbsp;