Elîf Kisaye tepişnayî û pereyê aye yê ewnîyayîşî birnayî 

2020-01-21 13:14:23


	 

	GUMGUM - Wezaretê Keyeyî û Xizmetê Komelî Elbîstanî pereyê ewnîyayîşî yê cinîya bi nameyê Elîf Kisaye bi îdaya, "Hetkarî daye rêxistinê" ke ameye tepiştene birnayî.

	 

	Qezaya Elbîstanî ya Gumgumî de cinîya bi nameyê Elîf Kisaye, camêrdê xo dir 3yê Kanûna 2019an de ameyî tepiştene û dima ra bi îdayê "hetkarî daya rêxistine" amebî tepiştene. Wezaretê Keye û Xizmetê Komelî seba Elîfe lajê xo yê astengdar Îsmaîl Kisayî ra biewno hezar û 380 TL pereyê ke aşme ra dayne Elîfe birna. Eynî wextî de Wezaretê verê bi 4 serran zî pereyê astengdarî yê Îsmaîl Kisayî ra birnabî. 

	 

	Bayê Îsmaîl Kisayî, Alî Kisa serê medya komelî de derheqê babete de zanayîş da. Alî kisayî parekerdişê xo de wina vat: "Pereyê ke seba astengdarîyê Îsmaîlî girewtêne birna. Lajê mi bi hawayê giran astengdar o. Heta ke ez biciwîyî ez o tewr baş Îsamîlî ra biewnî. Sereyê ma rehet o. Heme çî pere nîyo. Ma sey şarî gerek yewbînan rê wayîr vejîyê. Bi heskerdiş û rêzdarî Elbîstan ra Alî Kisa."