'Ma îşxalkerdene qebûl nêkenê û sere nêtewênenê' 

2020-01-19 14:25:51


	 

	Sorgul Şêxo 

	 

	HESEKÊ - Cinîyê dewa Um El-Kêfî yê ke pêwa hêriş û topvaranê dewleta tirkî yê serê dewa înan, têkoşînê cuya danê wina vat: "Ma îşxalkerdene qebûl nêkenê û sere nêtewênenê."

	 

	Hêrişê dewleta tirkî û komê girêdayî aye serê dewa Rojawanî dewam kenê. Vera hêrişê serê dewa Um El-Kêfê, Hêzê Meclîsê Leşkerî yê Suryanî, Hêzê Pawitişê Xabûrî û Natoro xo ver danê. Eynî wextî Dewleta tirkî dewa Um El-Kêfê û embarî genim topvaran kena. Cinîyê ke dewe de bi bîyayîş û têkoşînê xo, xo ver danê şîroveyê xo pare kerdî.

	 

	'Ma îşxalkerdene qebûl nêkenê û sere nêtewênenê'

	 

	Eyşê Umere wina dîyar kerde: "40 serrî yo, ma dewe de ciwîyenê û ma do heta peynî zî biciwîyê. Ma koletî û îşxalkerdene qebûl nêkenê. Ma sere nêtewênenê, verba ci hêzê ma yê xoverdayîşî tewr zêde beno û dimayê naskerdişê azadîya cinî mumkin nîyo û ma îşxalkerdene qebûl nêkenê. Ma boya azadîya anta û ma îşxalkerdene qebûl nêkenê û sere nêtewênenê."

	 

	'Hêrişê dewleta tirkî kultur û bîyayîşê şaran hedef gêno'

	 

	Sûriya Şemdîne zî dîyar kerde ke hedefê hêrişan qirkerdişê kulturî yo û wina vat: "Ma wayîrê na herre yê, kulturê dapîr û bapîranê ma serdemê cîya de ameyê averbîyayene. Her çiqas hêzê îqtîdaran waşt kultur qir bikerê, la nêeşkenê ke hewnê xo serê çinkerdişî de bikerê rast û bi ca bîyarê. Tersê ma topê dewleta tirkan ra çin o. Eksê ci hêzê xoverdayîşî zerrîya ma de awan beno. Hêrişê dewleta tirkî kultur û bîyayîşê şaran hedef gêna. Ma nê çî qebûl nêkenê. Pawitişê kulturê tarîxî û bîyayîşê ma yo."