'Do nê sîstemê cinîyan bivurnê'  

2020-01-16 12:15:38


	 

	Medîne Mamedoglu

	 

	MÊRDÎN - Sereka Daîreyê Cinî û Ciwanan Gulîzar Îpeke ya Şaredarîya Bajarê Gird ya Mêrdînî ke vera polîtîkayê tayînkerdene qeyûman vejîya û karmendîyê dewlete ra ameye vetene wina vat: "Bi nê qerarî, nêeşkenê cinîyan û têkoşînê înan asteng bikerê. Ma her ca de yê. Do nê sîstemî cinî bivurnê.

	 

	Gulîza Îpeka ke Şaredarîya Bajarê Gird ya Mêrdînî dimayê weçînayîşê 31ê Adara 2019an seba Serekîya Daîreya Cinîyan û Ciwanan ame tayînkerdene, hetê Walî Mustafa Yamanî yê Mêrdînî ke sey qeyûm 19ê Tebaxa 2019an de ame tayînkerdene, wezîfe ra ameye girewtene û dima ra zî sewqê, Heyetê Berz ê Dîsîplênî ameye kerdene. Gulîzare bi qerarê ke hetê heyetî ra ameyo dayene, karmendîyê dewlete ra zî ameye vetene. Gulîzara ke reaksîyon vera qerarî da û dîyar kerde ke qeraro ke ameyo dayene, nêeşkenê têkoşînê cinîyan asteng bikerê û vat ke aye do qerar bero hukmkerdene.

	 

	'Heme wareyan de cinî bî hedefê qeyûman'

	 

	Gulîzare dîyar kerde ke aye verê di rojan, bi qerarê heyetî ke kom bîyo ra kar ra ameya eşkenê û wina vat: "Serra 2019an de mi sey Sereka Daîreyê Cinîyan û Ciwanan dest bi wezîfe kerd. Dimayê ke qeyûm tayînî şaredariî ame kerdene, seba polîtîkayê qeyûm yê vera cinîyan, ez wezîfe ra ameya dûrvistene û dima ra seba ke mi karmendî ra bierzê, mi sewqê Heyetê Berz ê Dîsîplînî kerdî. Dima ra zî karmendîyê mi ame betalkerdene û kar ra ameya eştene. Hedefê yewin qeyûman cinî yê. Seba nê zî xeylêk embazê ma yê cinî nêgirewtî şaredarî û bi mobîngê ekonomî û psîkolojîk dir rî bi rî verdayî." 

	 

	'Nêeşkenê ma bipelixnê'

	 

	Gulîzare qiseykerdişê xo wina qedêna: "Ez karmendî ra ameya eştene, la ez o têkoşînê xo dewam bikerî. Ez o bi rayîrê hukmî heqê xo biwazî. Ez reyke bîn vana ke nê nêheqî qebûl nêkena. Ma cinî her ca de yê û ma do têkoşînê xo dewam bikerê."