
Embazê Gulîstane seba Gulîstane çalakîyanê xo dewam kenê 

2020-01-15 13:47:21


	&nbsp;

	DÊRSIM - Wendekaranê ke Dêrsim de cayê mendişan ê wendekaranê unîversîte de ameyî têhet waştî ke Gulîstan Doku ya ke tira xebere nêna girewtene cade bêra dîyene.

	&nbsp;

	Dêrsim de seba Gulîstan Doku (21) ya ke wendekara Perwerdeyê Domanan ê Unîversîteya Munzurî bîye û 5ê çeleyî ra nata vînbîyaye ya xebatê cigêrayîşî dewam kenê. Bi seyan wendekaran vizêr zî çalakîyê xo dewam kerdî. Wendekaran çilayê telefonanê xo tavistî û sloganê ‘Gulîstane ça de ya’, ‘Cinîye, Cuye, Azadîye’, ‘Dêrsim bêveng mebe, wayîrê Gulîstane bivejîye’ vatî.

	&nbsp;

	Wendekaran îfade kerd ke heta ke Gulîstane bêra dîyene ê do çalakîyanê xo dewam bikerê.

	&nbsp;

	Hetê bînî ra ame zanayene ke wexto ke cayê mendişî yê wendekaranê cinîyan ê bi nameyê Ehlîbeytî de çalakîya protesto dewam kerdêne, di kesê ke rîyê înan de maskeyî estbî dekewtî zereyê bîna û nê di kesan wendekarê cinîyî tacîz kerdî û fotografî antî. Wendekaranê cinîyan vera nê kesan nêrazîbîyayîşê xo mojna û venga wezîfedaranê asayîşî da. La di kesê bi maskeyî remayî. Ame îdîakerdene ke nê di kesanê bi maskeyan, bi ziwanêkê xerîbî qisey kerdêne.&nbsp;