Amed de cinîyêke ameye qetilkerdene  

2020-01-15 12:30:43


	 

	AMED - Taxa Gazîlerî ya Kayapinarî ya Amedî de cinîyêka bi nameyê Melîke hetê mêrikêko ke tede zewijnaye bîye ra ameye qetilkerdene.

	 

	Taxa Gazîlerî ya Kayapinarî ya Amedî de vizêr şan cinîya bi nameyê Melîke hetê camêrdê xo ra bi hacetêkê tûjî ameye qetilkerdene. Ame zanayene ke camêrdo ke Melîke qetil kerde rema.

	 

	Ekîbê weşîye dima ke cîranan xebere daye ameyî cayê serebûtî û înan eşkera kerd ke Melîke wefat kerd. Cenazeya Melîke seba otopsî ameye berdene bi Dezgehê Tipa Edlî. 

	 

	Ame parekerdene ke derheqê qetilkerdişê Melîke de tehqîqatêk dîya destpêkerdene.