Çaglar Demîrele rê 7 serrî û 6 mengî cezaya zindanî ameye dayene

2020-01-10 16:30:03


	 

	AMED - Wekîla Verêne ya HDPyî Çagla Demîrel rê 7 serrî û 6 mengî cezaya zîndanî ameye dayene.

	 

	Wekîla Verêne ya HDPyî Çagla Demîrel a ke serra 2015î de amebî tepiştene bi îdîaya ''endamîya rêxistine'' ameyêne hukmkerdene. Roniştişê bire yê dewa Mehkema Cezaya Girane ya 5. ya Amedî de ame kerdene.

	 

	Avûkatê Çaglaye, Reyhane Yalçindag û Mesut Beştaş tewrê roniştişî bîyî. Hemsereka DBPyî Salîha Aydenîz, Wekîla HDPyî ya Amedî Semra Guzel, Hemsereka HDPyî ya Amedî Hulya Alokmen û keyeyê Çaglaye zî tewrê taqînkerdişê roniştişî bîyî.

	 

	Avûkate Reyhane vist vîrî ke hêzê asayîşî yê tehqîqatî FETO ra ameyî tepiştene û vat: "Ma veradayîş nêwazenê. Ma vanê ke nêbeno ke şima ceza bidê."

	 

	Mesutî vat: "Eşkera yo ke tepiştişê Çaglaye huqûqî nîyo."

	 

	Heyetê mehkeme bi îdîaya ''endamîya rêxistine'' 7 serrî û 6 mengî cezaya zîndanî daye Çaglaye.