KCD: Omidê azadîya cinîyanê Kurdistanî hedef ame girewtene

2020-01-09 14:02:18


	 

	 

	 

	MERKEZÊ XEBERAN - KCDyî qirkerdişo ke 9ê çeleyê 2013î de paytextê Fransa Paris de ame kerdene vist vîrî û vat berpisîyarê nê qirkerdişî do hesab bidê.

	 

	KCDyî bi eşkerayîyêka nuştekîye qetilkerdişê hîrê cinîyanê kurdan Sakîne Cansiz, Fîdane Dogan û Leyla Şaylemez ê ke 9ê çeleyê 2013î de paytextê Fransa Paris de ameyî qetilkerdene vist vîrî û vat: ''Eşkera yo ke bê zanayîş û destûrê hêzanê mîyanneteweyan nê mumkîn o ke 3 cinîyê kurdî Paris de bêrê qetilkerdene."

	 

	Eşkerayîya KCDyî wina ya:

	 

	"Armanc û hedefê nê Qirkerdişê Parisî zaf hîra yê. Seba ke Sakîne Cansiz rayberanê Têgêrayîşê Azadîye yê Kurdîstanî bîye û her hêla azadîya cinîyan de rolêko pîl girewt û vera sîstemê pederşahîye bîye dewleta tirke û hêzanê mîyanneteweyîyan a kerde hedef. 

	 

	Dewaya Qirkerdişê Parisî yena nimnayene bi nê hawayî hêzê mîyanneteweyî cînayetê huqûqî kenê. Ganî komelê mîyanneteweyî bêveng nêmano û rayîr nêdo ke berpirsîyar û kiştoxê Parisî bêrê xelisnayene. Ma pê bawer ê ke sere de dewleta tirke pêro hêzê ke berpirsîyarê nê qirkerdişî yê do hesab bidê û bêrê hukmkerdene. 

	 

	Sey Cansize Sêvê Demîr, Pakîze Nayir û Fatma Uyar zî bi heman armancî 4ê çeleyî de Silopî de amebî qetilkerdene. Ma reyna serrgêra şehadetê Sakîne, Fîdan, Leyla, Sêvê, Pakîze û Fatma de înan bi rêzdarî yad kenê û bi hêzê têkoşînî, xoverdayîşî û rayberîye yo ke ma kesayetê înan ra girewtî ma do têkoşînê xo yê azadîye teqez bi serkewtişî tacîdar bikerê."