Endama Meclîsê Şaredarîya Silopî Fehîme Saruhane wezîfe ra meye dûrîkerdene 

2020-01-06 12:55:52


	 

	ŞIRNEX - Ame zanayene ke Endama Meclîsê Şaredarîya Silopî ya HDPyî Fehîme Saruhane bi fermanê Wezîrîya Karê Zerre bi mehneya ‘endama rêxistine ya’ û ‘propagandaya rêxistine kerda’ wezîfe ra ameye dûrîkerdene.

	 

	Endama Meclîsê Şaredarîya Silopî ya Partîya Demokratîke ya Şaran (HDP) Fehîme Saruhane 13ê Teşrîna Verêna 2019î de bi mehneya ‘endama rêxistine ya’ û ‘propagandaya rêxistine kerda’ hetê Serdozgerîya Komarî ya Silopî ra ameye tepiştene. Serdozgerîya Komarî ya Şirnexî badê 45 rojan seba ke delîl kêmî bi, 2ê kanûna 2019î de bi şertê ‘kontrolê edlî’ qerarê serbest veradayîşê Fehîmeye daye. 

	 

	Ame zanayene ke derheqê Fehîmeye de bi mehneya ‘endama rêxistine ya’ û ‘propagandaya rêxistine kerda’ de tehqîqat ameyo akerdene û Fehîmeye bi fermanê Wezîrîya Karê Zerre wezîfe ra ameya dûrîkerdene. Fehîme Saruhane reaksîyon nîşanê no qerarî daye û wina va: “No qerar qerarêko şexsî yo. No qerar seba şarî ameyo dayene. Ma bi îradeya şarî ameyî weçînitene. Qeraro ke derheqê mi de ameyo dayene ke waştî ke mi karî ra dûrî bikerî.”