Domana astengdare bi hêrişê zayendî dir rîbirî mende 

2020-01-03 12:09:24


	 

	AMED - Qezaya Lîcê de domana astengdare, netîceyê hêrişê zayendî de digane mende.

	 

	Taxa Daralan ê qezaya Lîcê ya Amedî de domana astengdare Ş.O., seba dejê pîzeyî keyeyî aye wedarna Nêweşxaneyê Dewlete yê Lîcê. Nêweşxaneyî de vejîya meydan ke domana astengdare Ş.O bi hêrişê zayendî dir rîbirî menda û netîce de digane menda.

	 

	Ş.O ya 8 mengî û 20 roj diganî ya, berdî Merkezê Takîbkerdene Domanan (ÇÎN) û îfadeyê aye ame girewtene. Dimayê îfadeyî, vejîya meydan ke Ş.O. hetê pîyê xo ra rastê hêrişê zayendî ameya. 

	 

	Çarçeweya îfadeyê domana astengdare de, pîyê aye ame tepiştene.