Çewlîg de îdiayê 'teşebusê întîharî' Wan de margo şikin 

2019-12-30 13:27:42


	 

	ÇEWLÎG/ WAN - Ame îdîakerdene ke Çewlîg de cinîyêka bi nameyê Merve K. Pirdê Çapakçûrî ra xo eşte ware. Merve K. ameye berdene bi nêweşxane û hema zî rewşa ci giran a

	Ame îdîakerdene ke Merve K. (17) Pirdê Çapakçurî ra xo eşt. Ame vatene ke Merve K. vizêr serê sibayî xo pirdî ra eşte ware. 

	 

	Hemwelatîyanê ke bedenê Merve K. dî xebere daye ekîbanê weşîye. Mudaxeleyê verênî ra dima Merve K. hêverî ameye berdene bi Nêweşxaneyê Dewlete yê Çewlîgî û uca ra zî sewqê Xarpêtî ameye kerdene. Rewşa Merve K. hema zî giran a û weşkerdişê ci dewam keno.

	 

	Wan

	 

	Qezaya Wanî Erdîş rê girêdaye Lîseya Mehmet Mûrat ê Teknîkî de mamostaya Felsefeyî Bîlge Erbaşe keyeyê xo de bi hawayêko şik cuya xo vindî kerde.

	 

	Hetê ekîbê ke ameybî cayê hedîse Bîlge wedarîya nêweşxane. Ame zanayîş ke derheqê wefatê Bîlge de tehqîqat ameyo destpêkerdene.