'Ma hêvî kenê ke na serre bibo serkewtişê şarê Kurd'  

2019-12-29 12:09:59


	 

	Rojda Seyidxan

	 

	QAMIŞLO - Bi nêzdîbîyayîşê serra newe dir, cinîyê bajarê Dêrikî hêvî û waştişê xo yê seba serra newe ardî ziwan û seba serra newe qalî kerdî: "Ma hêvî kenê ke serra newe îşxalkerdene peynî bibo û kesê ke koçber bîyê ageyrê serê herra xo."

	 

	Serra 2019î de Vakur û Rojhelatê Sûrîye serrêka bi dej û zehmetî bî. Na serre de dewleta tirkî hêrişî xeylê bajaran kerd. Netîce de Girê Spî û Serêkaniyî de îşxalkerdoxî her roje kerdoxê dewleta tirkî Vakur û Rojhelatê Sûrîye dewam keno. Têkîlîyê serra newe ya 2020î cinîyê Dêrîkî yê Kantonê Qamişloyî waştişê xo pare kerdî.

	 

	'Pêwa pêro hêrişan ma xo ver danê'

	 

	Şêrîn Yusife hêvîya xo yê serra newe wina va: "Ez serra newe pêro kerdenê Vakur û Rojhelatê Sûrîye pîroz kena. Serra 2019î de serrêka zaf bi dej bî seba ma û hedîseyê xeylêk bi dej ameyî sereyê ma. Dewleta tirkî û çeteyê ci hêrişê herra ma kerdî, Girê Spî û Serêkanîyî îşxal kerdî û şarê ma koçber kerdî. Bi hezaran sivîl remnayî, îşkence û qetîl kerdî. Pêwa pêro hêrişan ma do xo ver bidê, welatê xo xelas bikerê û kesê koçber bigeyrî cayê înan. Hêvîya ma o yo ke serra newe biba, serra serkewtişê şarê Kurd."

	 

	'Seba ke dişmin nêeşko bikewo herra ma ganî ma bibê yew'

	 

	Eyşe Nadire zî hêvî û waştişê xo wina ardî ziwan: "Ez serra newe Rayber Apo pîroz kena. Serra vîyarte serrêka zaf zehmet bi seba ma. Seba ke şarê rojawanê Kurdistanî ciwîyenê, hetê dewleta tirkî ra hedef yenê girewtene. Seba newe waştişê mi o yo ke şarê kurd bibo yew ke hêzê îşxalkerdene nêeşkê bikewê herra ma."