Binê camîyî rijnaye ra tarîx vejîya 

2019-12-28 09:55:58


	 

	MÊRDÎN - Qoser de cayê camî ke amebî rijnayene û seba ke newe bêro viraştene, esasê ci amebi eştene. Binê esasê ci de dês û odayê aydê wextê verê ameyî vînayene.

	 

	Taxa Koçhîsarê Qoserî yê Mêrdînî de camîyêko amebi xirakerdene û cayê ci de esasê newe amebi eştene. Kolnayîşê esasî de eserê tarîxî vejîyayî meydan. Karkerê înşatî zanayîş dayî selahîyetdaran û serê nê ra ekîbêk hetê Mudurîyê Muzeyê Mêrdînî ra ameyî cayê hedîse û xebat meşnayî. Înşatê camî ame vindarnayene û serê esaran ame padayene û dorê wareyî ame padayene.

	 

	Welatîyê qeza dîyar kerdî ke ekîbî 15 rojan xebate kerdê û eynî wextî dayî zanayene ke ê rewşe zaf mereq kenê û ganî newe ra xebate bêro destpêkerdene.

	 

	Ame îdiakerdene ke semedo ke Mudurîyê Muzeyê Mêrdînî butçe nêdayo, xebate ameye vindarnayene.