Vewre ra rayîrê dewan ameyî padayene

2019-12-27 13:52:34


	 

	MERKEZÊ XEBERAN - Xeylê bajaran de vewre vara û varayîşê vewre vera rayîrê bi seyan dew û mezrayan ameyî padayene.

	 

	Bajaranê herême de zimistan tesîrê xo zêdîna. Varayîşê vewre û varayî vera cuye ame verê vindetişî. Dêrsim, Şirnex û Colemêrgî de varayîşê vewre vera şîyayîş û ameyîşê bi seyan dew û mezrayan ameyî padayene.

	 

	Dêrsim de varayîşê vewra zêde vizêr dest pêkerd û rayîrê 161 dewan şîyayîş û ameyîşî rê ameyî padayene. Ame zanayene ke koma Rayîrê Bejahî û Îdareya Bajêr ya Taybet seba akerdişê rayîran xebetîyenî.

	 

	Vewre vizêr merkezê Şirnex û qezayanê Elkê û Qilebanî de zî dest pêkerd û bîye sebebê padîyayîşê rayîranê dewan. Elkê de rayîrê 16 dewan û 4 mezrayan û Qilebanî de zî rayîrê dewêk ameyî padayene. Vewre vera xeylê rayîrvanî  Şirnex û Qilebanî de asê mendî.

	 

	Dew û mezrayê girêdayeyê merkezê Colemêrgî û qezayanê ci de zî rayîrî padîyayî û bî sebebê padîyayîşê xeylê dew û mezrayan.