Sebebê mergê ke cixareya elektronîkî vera bîyî eşkera bî 

2019-12-24 12:07:03


	 

	
		MERKEZÊ XEBERAN - DYE de bi seyan kesî cixaraya elektronîkî vera cuya xo vindî kerdî. Ame eşkerakerdene ke sebebê mergê kesê ke cuya xo vindî kerdî asetata vîtamînê E yo.
	
		 
	
		Dewletê Yewbîyaye yê Amerîka (DYE) de tena mîyanê çend aşmanê peyênan de 54 kesî nêweşîya pişikî ya ke cixaraya elektronîkî vera virazîya cuya xo vindî kerdî. Nê mergan ra dima derheqê cixaraya elektronîkî ke dinya de sey alternatîf ameyêne vînayene de cigêrayîş ame kerdene û sebebê mergê ke cixaraya elektronîkî vera bîyî, ame eşkerakerdene.
	
		 
	
		Cigêrayîş hetê Merkezê Kontrolkerdiş û Astengkerdişê Nêweşîyan yê DYEye (CDC) ra ame kerdene û New England Journal of Medicine de ame weşênayene. Cigêrayîşo ke ame kerdene de vatene ke sebebê mergê nê kesan asetata vîtamînê E yo.
	
		 
	
		Ame eşkerakerdene ke DYE de aşma hezîrane ra nata 2 hezar û 500 kesê ke bi zorî boya xo girewtêne de xebetnayîşê cixaraya elektronîkî ameyo tespîtkerdene.