Hemşaredara verêne ya Nisêbînî Sara Kaya ameye surgunkerdene 

2019-12-23 12:28:20


	 

	WAN - Hemşaredara  Verêne ya Nisêbînî Sara Kaya ya ke ameyebî tepiştene Zîndanê Tîpê Tyî yê Tarsusî rê ameye surgunkerdene.

	 

	Sara 13 çeleyê 2017î ra nata tepişte ya. Sara bi îdîaya ''yewîye û yewparebîyayîşê dewlete xera kena'' ameyebî hukmkerdene, wezîfeyê ci ame xespkerdene û herinda aye de qeyûm amebi tayînkerdene.

	 

	Sara wexto ke newe ameyebî tepiştene ameyebî erşawitene Zîndanê Mêrdînî û 17ê sibata 2017î de zî Zîndanê Wanî rê ameyebî sewqkerdene. Na reye zî Sara Zîndanê Wanî ra sewqa Zîndanê Tarsusî ameye kerdene ke nê di zîndanî yewbînan ra hezar kîlometre dûrî yê. Sara Mehkemeya Cezaya Girane ya Mêrdînî de roniştişê dewaya peyêne yê 6ê teşrîna peyêne de bi rayîrê SEGBÎSî beşdara dewa bîye û bire ameye dayene ke rewşa ci ya tepişteye dewam bika.