Asayîşê PDKyî destûr nêda ke mexmûrijî cenazeyê xo bigîrê 

2019-12-22 13:49:45


	 

	MERKEZÊ XEBERAN - PDKyî 5 mengan tewr zêde yo ambargo dayo serê wargehê Multecîyan ê Mexmûrî û nika nêverdeno welatîyê wargehî seba cenazeya xo bigîrê û derbazê Hewlêrî bibê. 

	 

	Dorê 5 mengan o hetê îdareyê Herêma Kurdistanî ra ambargoyêko serê welatîyê Wargehê Multecîyan ê Şehîd Rustem Cudî (Mexmûrî) de ameyo ronayene û hetê asayîşê PDKyî ra destûr nîno dayene ke sebeb çi beno wa bibo derbazê Hewlêrî bibê.

	 

	Tewr peyîn vizêr şan de keso bi nameyê Ebdulkerîm Ebdurehman seba nêweşîyêko giran wedarnayî nêweşxane. Ebdurehmanî Nêweşxaneyê Rojawan de beşê Lezgîn de saete 11:00 wefat kerd. Keye wexto ke waşt şêrê cenazeyê xo bigîrê, asayîşê PDKyî rayîr nêda ke keye şêro Hewlêr de cenazeyê xo bigîrê.

	 

	Keyeyê ke destûr nêame dayene, heta serê siba bendeyê kontorolî ame vindarnayene û dimayê xeylêk hewldayîşan, hîn kesê cenaze Hewlêr ra ardî bendeyê kontrolî de teslîmê keyeyî kerd.