Amed de merdişê domanêka ya bi guman  

2019-12-21 13:07:53


	 

	AMED - Serê sibayî verê marketê qezaya Kayapinarî de domanêka bi hawayêko bi guman merde amî vînayene.

	 

	Saetê serê sibeyî de Kuçeya Talaytepeyê Kayapinarê Amedî de domana 17 serrî bi nameyê Bahar Akdemire bi hawayêko bi guman merde amî vînayene. Xebatkarê marketî wexto ke vînayî ke Bahare erd de dergkerde ya zanayîş dayî ekîbê weşîye. Polîs û ekîbê weşîye sewqê cayê hedîse ameyî kerdene. Ame zanayîş ke Bahare qata serê marketî de nişte ro.

	 

	Ekîbê weşîye neql kerdî ke Bahare cuya xo vindî kerde. Eynî wextî de rîyê Bahare hetê kutikan ra amebi parçekerdene. 

	 

	Cenazeya Bahare seba otopsî eşrawitî nêweşxane. Keyeyê Bahare zî ame tepiştene.