Polîsan çeke ant sereyê Fîlîz Buluttekîne û keyeyê aye! 

2019-12-20 11:33:04


	 

	AMED - Avûkatê Hemşaredara Sûrî Fîlîze Buluttekîne da zanayene ke polîsan wextê destbendkerdene Fîlîze de çeke ante sereyê aye û keyeyê aye.

	 

	Polîsan serê sibayî eşt Şaredarîya Sûrî ya Amedî, keyeyanê Hemşaredare Fîlîz Buluttekîn û endamê Meclîsê Şaredarîya Sûrî Yilmaz Ekenî ser û ê destbend kerdî. Ame îfadekerdene polîsan wexto ke eşt keyeyê Fîlîze ser û a destbend kerde, çeke ante sereyê aye. Na rewşe hetê Hemsereka Partîya Herêman ê Demokratîkan (DBP) Salîha Aydenîz ra hesabê aye yê tewîtterî ser o ameye parekerdene.

	 

	Salîha Aydenîze vilakerdişê xo de nê çîyî vatî:  "Wexto ke Hemşaredara Sûrî #FilizBuluttekin ameye destbendkerdene erdî ser o ameye raqeldayene û sereyê aye ro çeke ameye antene. Şima nêeşkîyê weçînayîşan de ser bikewê. Şima wazenê ke qesasê xo yê vera şarî temsîlkaranê şarî ra bigêrê. Ganî şima ney baş bizanê ke şima do qet nêeşkê bêrê weçînayene û ê şaredarîyan bigêrê."