21 kesê ke ameybî destbendkerdene badê 12 rojan sewqê mehkema ameyî kerdene 2019-12-19 13:03:58   AMED - 21 kesê ke ameybî destbendkerdene û raştê îşkenceyî ameybî badê 12 rojan sewqê mehkema ameyî kerdene.   Serdozgerîya Komarî ya Amedî bi destê Fermandarîya Cendirmeyan ya Bajarî 8ê kanûne de eştbî xeylê dewanê girêdayeyê qezayanê Amedî ser û sereştişê dewan de 21 kesî ameybî destbendkerene. 21 kesê ke ameybî destbendkerdene berdî Şûbeyê TEMî yê Mudirîya Polîsan ya Amedî. 21 kesê ke ameybî binçimkerdene raştê îşkenceyî ameybî û badê 12 rojan sewqê mehkema ameyî kerdene. Ame zanayene ke 21 kesê ke ameyî destbendkerdene û raştê îşkenceyî ameyî bi îdîayê ‘endamîya rêxistine’ û ‘hetkarî dayî rêxistine’ ra yenî sucdarkerdene.   Nameyê kesê ke 8ê kanûne de dewanê girêdayeyê qezayanê Rezan, Peyas û Çinarî de ameyî destbendkerdene wina yo:    Dewa Alanqozî de Îsmet Yildiz û Hakan Yildiz. Dewa Arwariya Corî de Mehmet Akyuz. Dewa Xebexidirî (Kabahidir) ya qezaya Rezanî de keyayê dewe Nahit Toprak. Dewa Dogerî (Döver) de Îsmet Akar. Dewa Kerikî (Kılıçkaya) ya qezaya Çinarî de Îbrahim Çiftçi, Recep Çiftçî, Lokman Çiftçî. Dewa qezaya Peyasî de Abdulkadir Yagar. Dewa Qirxaliyî ya qezaya Peyasî de Ahmet Dogan, Mahmut Birak, Ahmet Derse, Firat Çetin. Dewa Esentepeyî de Zekî Guçlu. Dewa Misîrik (Çakırtutmaz) ya qezaya Çinarî de Kasim Eken, Abdulkadir Eken û domanê înan Hogir Eken, Botan Eken, D.Eken.    Kasim Eken (40) badê 5 rojan ame veradayene. Abdulkadir Eken û D. Eken zî Şûbeyê domanan de yenî tepiştene.