Bi xirabîyayene rayîrî dir camîyo tarîxî vejîya meydan cigêrayîş nêame kerdene û rayîr zî nêame viraştene 2019-12-14 09:58:45       MÊRDÎN - Mêrdîno kahn de serrêke verê, seba varano zêde, rayîrêko rijya û binê rayîrî de awanîyê tarîxî yê newe vejîyayî meydan. Ne şaredarî û ne zî sazgehêko bîn mudaxaleyê rewşe nêkerdî û rayîr serrêke yo eynî hawayî yeno vindarnayene û camîyo tarîxî yo vejîya meydan zî nêame pawitene. Ame zanayîş ke wendegehêko nêzdîyê rayîro ke xira bîyo zî seba asayîşî mabêne dayo perwerdeyî.     Qezaya Artuklu yê Mêrdînî, Mêrdîno kahn ke bi awanîyê xo yê tarîxî namdar o, rayîrê ci serrêke verê rijya bi û netîce de awanîyê tarîxî vejîyayî meydan. Camî û berardişê tarîxî yê vejîyayê meydan, serrêke yo na rewşe yena vindarnayene. Heta ewro ne walîtî, ne şaredarî û ne zî mudûriyetê muzeyan çîyêk nêkerdî, xebatêke û restorasyonêk nêame destpêkerdene.   Wendegehî mabêne da perwerde    Rayîro ke şino taxe û wendegeh, serra vîyarte rijyabi û rayîr trafîk rê amebi padayene. Wendegehê Sereyîn yê Îmam Hatîp ê Dumlupinarî zî sebebê asayîşî serrêke mabêne dayo perwerde. Welatîyan reaksîyon vera rewşe ramojnayî û dîyar kerdî ke tedbîr derûdor rê nêameyo girewtene û bi xirabîyayîşê rayîrî dir camîyo ke vejîya meydan bale turîstan anceno.   ‘Şaredarî asin da dorê ci û şî’   Esnafêko da zanayîş ke dem bi dem ekîbî ameyê seba cigêrayîşî û la heta nika seba awanîya tarîxî tu gamêke nêameya eştene. Esnafo ke nameyê ci alî yo wina vat: “No ca hem keweno herêma Walîtî,  hem zî keweno ê şaredarîye. Serra vîyarte seba varano vara rayîr xira bi û camîyo tarîxî vejîya meydan. Ma vernê de fam nêkerd ke çiyo. Ma nêzanê ke do nika se bibo. barî rê têk çû û mizgefta dîrokî derket holê. Seba varanî beno ke reyna xira bibo. Kes mudaxale nêkeno. Şaredarî tena asin da dor û şî."